பாலிவுட் நடிகரான சல்மான் கான் பிரபல பாடகர் எஸ்.பி.பி கொரோனா தொற்றிலிருந்து குணமடைய தனது டுவிட்டர் பக்கத்தில் வாழ்த்துக்களை தெரிவித்துள்ளார்.
Salman Khan about SPB : கடந்த மாதம் ஆகஸ்ட் 5ம் தேதி பிரபல பாடகர் எஸ்பிபிற்கு கொரோனா தொற்று உள்ளாகி சென்னையில் உள்ள தனியார் மருத்துவமனையில் அனுமதிக்கப்பட்டார். மருத்துவமனையில் சிகிச்சை பெற்று வந்த நிலையில் அவரது உடல்நிலை ஆகஸ்ட் 14ஆம் தேதி மிகவும் மோசமடைந்தது.
இதனைத் தொடர்ந்து மருத்துவ நிர்வாகம் அளித்த சிகிச்சை மற்றும் அவரது ரசிகர்கள் , திரையுலக நட்சத்திரங்கள் செய்த கூட்டுப்பிரார்த்தனை மூலமாக அவர் உடல்நிலை சற்று தேறியது. இதன் காரணமாக ரசிகர்கள் மற்றும் திரையுலகினர் மகிழ்ச்சி அடைந்த நிலையில் நேற்று திடீரென மீண்டும் அவரது உடல்நிலை மிகவும் மோசமான நிலைக்கு உள்ளானது. நடிகர் கமலஹாசன் மருத்துவமனைக்கு சென்று எஸ்பிபியின் உடல்நிலை பற்றி மருத்துவமனையில் விசாரித்தார்.
அவரது உடல் மோசமான நிலைக்கு உள்ளானதை தெரிந்த பாலிவுட் நடிகரான சல்மான் கான் அவர்கள் தனது டுவிட்டர் பக்கத்தில் அவருக்கு வாழ்த்து தெரிவித்துள்ளார். தனது டுவிட்டர் பக்கத்தில் பதிவிட்டது பின்வருமாறு.
பாலசுப்பிரமணியம் சார்..நீங்கள் விரைந்து குணமடைய அனைத்து வளங்களும் பெற என்னுடைய இதயத்தின் ஆழத்திலிருந்து வாழ்த்துகிறேன். நீங்கள் எனக்காக சிறப்பாகபாடிய அனைத்துப் பாடல்களுக்கும் நன்றி. உங்கள் தில் திவானா, ஹீரோ பிரேம் , லவ் யூ சார். இவ்வாறு சல்மான்கான் கூறியுள்ளார்.
பாலிவுட்டில் அறிமுகமான சல்மான்கன் அவரது ஆரம்பகால படங்களின் பாடல்கள் எஸ்பிபி பாடினார் என்பது குறிப்பிடத்தக்கது.
