பாண்டியன் ஸ்டோர்ஸ் ஜீவாவுக்கு விஜய் வீட்டிலிருந்து வந்த அழைப்பு அவரை உற்சாகத்தின் உச்சத்துக்கு கொண்டு சென்றுள்ளது.
Pandian Stores Venkat With SAC : தமிழ் சின்னத்திரையில் விஜய் டிவியில் ஒளிபரப்பாகி வரும் பிரபலமான சீரியல்களில் ஒன்று பாண்டியன் ஸ்டோர். ஸ்டாலின், சுஜிதா, வெங்கட், ஹேமா, குமரன், சித்ரா உள்ளிட்டோர் இந்த சீரியலில் இணைந்து நடித்து வருகின்றனர்.
வெங்கட் இரண்டாவது சகோதரராக ஜீவா என்ற கதாபாத்திரத்தில் நடித்து வருகிறார். இவர்கள் பலரின் ஃபேவரைட்டாக இருந்து வரும் நிலையில் இவருக்கு விஜய் வீட்டிலிருந்து அழைப்பு வந்துள்ளது.
அதாவது தளபதி விஜய்யின் அம்மா ஷோபா சந்திரசேகர் பாண்டியன் ஸ்டோர் சீரியல் பெரிய ரசிகையாம். எஸ் ஏ சந்திரசேகர் அவர்கள் அடுத்த படத்திற்காக நடிகர் தேடி வந்த நிலையில் சோபா தான் வெங்கட் பெயரை பரிந்துரை செய்துள்ளார்.
இதனையடுத்து எஸ் ஏ சந்திரசேகர் அவர்களிடமிருந்து நடிகர் வெங்கட்டுக்கு போன் கால் வந்துள்ளது. தற்போது இவர்கள் இருவரும் இணைந்து புதிய படத்தில் பணியாற்ற உள்ளனர்.
இவை அனைத்தும் கொரானா பேரிடர் காலத்திற்கு முன்னரே நடந்திருக்க வேண்டிய ஒன்று. ஆனால் கொரானா அனைத்தையும் கெடுத்து விட்டது என தன்னுடைய இன்ஸ்டாகிராம் பக்கத்தில் தெரிவித்துள்ளார்.
மேலும் இந்த பதிவில் இயக்குனர் எஸ் ஏ சந்திரசேகர் உடன் தன்னுடைய குடும்பத்தோடு எடுத்துக் கொண்ட புகைப்படத்தையும் வெளியிட்டுள்ளார்.
