நேத்து வந்த மூணு என்ற பாடல் எங்கடா இருந்தீங்க இவ்வளவு நாளா என்ற படத்திலிருந்து வெளியாகி ரசிகர்களை கவர்ந்து வருகிறது.
Nethu Vandha Moonu Song : நிலா ப்ரமோட்டர்ஸ் , TN75 K K கிரியேஷன்ஸ் , ஆர்ட்ஸ் லைன், துரை சுதாகர், திருமுருகன், இணைந்து தயாரிக்கும் படம் “எங்கடா இருந்தீங்க இவ்வளவு நாளா”. இந்த படத்தினை கெவின் இயக்கி உள்ளார்.
கல்லூரி “அகில்” சதுரங்க வேட்டை “இஷாரா நாயர்” “யோகி பாபு” “மொட்டை ராஜேந்திரன்” “மனோபாலா” “சூப்பர் சுப்பராயன்” “கௌசல்யா” மற்றும் விஜய் டிவி நட்சத்திரங்கள் சன் டிவி பிரபலங்கள் நடித்துள்ள இப்படம் வரும் மார்ச் 26 முதல் உலகமெங்கும் திரைக்கு வர இருக்கிறது.
கிராமத்தில் இருந்து சாதிக்க வேண்டும் என்று சென்னை கிளம்பி வரும் இளைஞன் தன்னுடைய முயற்சி தோல்வி அடைவதால் மீண்டும் தன் கிராமத்துக்கே சென்று மன தொய்வடையும் போது தன்னை பெரிதும் நம்பும் நடிகர் மொட்டை ராஜேந்திரன் அவருடைய உதவியுடன் மீண்டும் சென்னைக்கு வந்த யோகி பாபுவுடன் இணைந்து ஜெயித்தாரா இல்லையா என்பதுதான் மீதி கதை.
ஏற்கனவே இந்த படத்தின் டீஸர், டிரைலர் ஆகியவை வெளியாகி நல்ல வரவேற்பை பெற்றது. இதனைத் தொடர்ந்து தற்போது இந்த படத்தில் இருந்து நேத்து வந்த மூனு என்ற பாடல் வெளியாகி ரசிகர்களை வெகுவாக கவர்ந்து வருகிறது.
இந்த படத்திற்கு ஒளிப்பதிவு “ரஹிம் பாபு”. இசை “வர்ஷன்”, “ஜெய்டன்”. எடிட்டிங் “சுரேஷ் URS”. சண்டைப்பயிற்சி “சூப்பர் சுப்பராயன்”. கலை “ஜான் பிரிட்டோ”. கவிஞர் “முகையூர் முத்து”, “சக்தி செல்லம்”, “வைரபாரதி”, “பாண்டி செல்லம்”. பாடகர் “காகா பாலச்சந்தர்”, “மதுபாலகிருஷ்ணன்”, “கிருஷ்ணகுமார்” ஆகியோர் கவனித்துள்ளனர்.