சென்னை கோயம்பேடு பஸ் நிலையம் புரட்சி தலைவர் டாக்டர் எம்ஜிஆர் பஸ் நிலையம் என பெயர் மாற்றம் செய்யப்பட்டுள்ளது. கோயம்பேடு பஸ் நிலையத்திற்கு டாக்டர் எம்ஜிஆர் பெயர் சூட்டப்படும் என்று ஏற்கனவே முதல்வர் பழனிசாமி கூறி இருந்தது குறிப்பிடத்தக்கது.

அதன்படி , இன்று கோயம்பேடு பஸ் நிலையத்திற்கு மறைந்த முதலமைச்சர் எம்ஜிஆர் பெயர் சூட்டப்பட்டது. இதற்கு கண்டனம் தெரிவித்து திமுக தலைவர் ஸ்டாலின் வெளியிட்டுள்ள அறிக்கையில், ‘ நீங்கள் பெற்ற குழந்தைக்கு பெயர் வைப்பதை விட்டு, அடுத்தவர் குழந்தைக்கு ஏன் உங்கள் பெயர் வைக்கிறீர்கள் ‘ என கண்டனம் தெரிவித்தார்.

1999- ஆம் ஆண்டு கோயம்பேட்டில் பஸ் நிலையம் அமைய கலைஞர் கருணாநிதி அடிக்கல் நாட்டினார் என திமுக தரப்பில் தெரிவிக்கப்பட்டது. இதற்கு மறுப்பு தெரிவித்து முன்னாள் மேயர் சைதை துரைசாமி, ” கோயம்பேடு பஸ் நிலையம் அமைய மறைந்த முன்னாள் முதல்வர் எம்ஜிஆர் தான் அடிக்கல் நாட்டினார் ” என தெரிவித்தார். கோயம்பேடு பஸ் நிலையம் அமைய உண்மையிலேயே நடவடிக்கை எடுத்தது யார் என்ற விவாதம் தமிழக அரசியலில் பெரும் பரபரப்பை ஏற்படுத்தியுள்ளது!!

Mohan Krishnamoorthy is one of the senior staff at Kalakkal Cinema, He has been working in the Tamil Entertainment industry for almost a decade. He has been instrumental in gathering and reviewing our content.